ORANJESTAD: SMAC ta desea e pueblo di Aruba un bon Aña 2018 yen di dicha y prosperidad. Despues di dianan festivo, Carnaval 64 ta start cu e prome evento pa e aña aki.
Diaranson 3 di januari 2018 lo tin e tiramento di lot pa e parada di Flambeu miho conoci como “Fakkel” cual lo tuma luga diasabra 6 di januari 2018.
Carnaval 64 ta patronisa pa nos compania nacional SETAR, y pa e motibo aki e tiramento di lot lo tuma luga na Setar Store (X Cable Store ) pa 3’or di atardi.
Alabes SMAC ta invita e pueblo di Aruba pa pasa inscribi ainda serca e gruponan pa asina nos engrandece nos Carnaval.
E ruta di “Fakkel” lo ta e aña aki di Aruba Entertainment Center pa Vondelaan, L.G. Smith Blvd y caba na X – D.O.W.
Carnaval 64 e aña aki ta cortico y lo pasa den un rato. P’esey SMAC ta invita pueblo di Aruba pa gos’e cada rato.
Bon aña 2018 y Felis Carnaval.