Home » Parlamentario Endy Croes: Carta a sali pa Minister Otmar Oduber cu presunto “Status” presunto corupcion di tereno

Parlamentario Endy Croes: Carta a sali pa Minister Otmar Oduber cu presunto “Status” presunto corupcion di tereno

by Admin
0 comment 51 views

Manera aña a habri trabounan ta continua. Segun Parlamentario Endy Croes cu pueblo a escogenan pa haci hopi trabou. Bishitando cas pa cas durante campaña algo cu tabata biba hopi den nos comunidad ta e hecho cu tin un famia aki na Aruba cu a “wheel and deal” cu patrimonio di pueblo esta cu tereno.
Tin indicasionnan fuerte cu for di kantoor di minister anterior esta “Benny” tabata tin dealnan ta tuma lugar cu opcion riba tereno cual via entre otro Leoncita kende a lanta diferente NV usando “amiga” of famia pa lanta NV y bende e terenonan aki pa hopi placa.

Tin hopi documento cu ta incrimina esnan cu a participa den e tipo di corupcionnan aki pa enrikece nan mes cu patrimonio di pueblo. Desde esnan den kantoor te na esnan cu a “front” pa haci e benta. OM lo mester investiga y determina kende tur lo a ricibi pago den e dealnan miyonario cu tereno di pueblo. OM lo determina tambe al respecto e hecho castigabel pa asina husticia por prevalece.

E asunto di tereno aki ta mustra di lo bay tin un rabo hopi largo. Den 2018 lo bay ta hopi skerpi riba asunto di tereno aki paso pueblo kier un claridad. Pa e motibonan aki Parlamentario Endy Croes uzando su derecho como Parlamentario mediante Artikel 59 di Reglament van Orde y Staats Regeling a dirigi su promer carta den 2018 pa Minister di Infrastructura Otmar Oduber pa por pone nan mes altanto di e ultimo desaroyonan al respecto esaki.

Segun Parlamentario Endy Croes tin mas carta lo sali e siman aki ainda cu diferente pregunta na otro ministernan di Coalicion actuando conforme deseo di pueblo pa por informa pueblo cu e berdad.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio