Home » N.V. Elmar a regala mil florin cash y mil kilowattuur na coriente Famia Ras a gana campaña di Bus di Luz 2017

N.V. Elmar a regala mil florin cash y mil kilowattuur na coriente Famia Ras a gana campaña di Bus di Luz 2017

by Admin
0 comment 59 views

ORANJESTAD, Aruba – Den luna di november N.V. Elmar a lansa su campaña di Bus di Luz pa aña 2017 di cual hopi famia a participa. Meta di e campaña aki tabata pa stimula decoracion di cas cu luz. E bus di N.V. Elmar a pasa bishita tur participante pa asina scoge e ganadonan. P’e team di N.V. Elmar no tabata facil pa scoge e ganadonan y na final a scoge famia Ras cu a keda na prome luga, sigui pa famia Flores y famia Flanegin.

Tur esunnan cu a participa mester a inscribi te cu dia 14 di December y asina aki N.V. Elmar tabata publica nan potret riba facebook. Hopi hende a bishita e casnan aki pa asina mira con bunita nan tabata decora p’e temporada di Pasco y Fin di Aña. E team di N.V. Elmar a mira diferente aspecto pa asina por a determina e ganadonan, cual tabata mira e tema di e decoracion, e fantasia, e cantidad di luz y con nechi nan ta dorna.

Robert Ras, kende a representa famia Ras, tabata contento cu nan a gana e prome premio. Pa hopi aña nan ta decora nan cas, pero desde 2011 e decoracion a bira mas grandi y asina aki comunidad di Aruba por pasa saca potret. Robert Ras a sigura cu e no ta plania pa decora pero cu na ultimo momento nan ta cuminsa decora e cas. Tabata un sorpresa pa famia Ras di a bay cu e premio maximo y e sentimento pa esaki tabata great, asina el a expresa.

Famia Flores di Paris Hill a keda na di 2 luga y e representante Patricio Flores a gradici su team pa haci un biaha mes e decoracionnan bunita. Den pasado ya caba tabata decora e cas paden y pafo, pero no pa publico. Na momento cu un turista a pasa, el a pidi pa mira e cas su decoracion pero nan a invita e turista pa pasa den oranan di anochi. Asina aki a cuminsa cu tur hende por a pasa mira e cas paden y pafo. Famia Flores a felicita NV Elmar di a bin cu e campaña aki pa stimula mas hende pa decora nan cas.

Famia Flanegin a keda na di 3 luga y Nelly Werleman a indica cu nan ta decorando e cas desde cu nan wela a fayece. Antes tabata decora e cas caba pero na 2014 te cu e fecha di awe nan ta haciendo esaki. Durante e añanan e famia ta haci uzo di materialnan recicla, di cual Katherine Peña ta bin cu e ideanan. Tur anochi pueblo di Aruba tabata pasa bishita e casnan, unda tabata saca yen potret. Tambe tabata encanta cu e decoracionnan, unda cu tur aña cada un ta bin cu algo diferente.

Famia Ras a gana e prome premio di AWG. 1000,- cash y 1000kwh, famia Flores tabata na di dos luga y a gana e premio di AWG. 750,- cash y 750kwh y e di tres premio tabata pa famia Flanegin di AWG. 500,- cash y 500kwh, tambe a duna famia Flanegin un gift certificate di AWG. 500,- di Do It Center pa a haci uzo di productonan recicla.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio