Home » Mas pronto cu ta posibel Minister Bikker lo bay institui un organo pa conseha y mehora siguridad riba nos pais

Mas pronto cu ta posibel Minister Bikker lo bay institui un organo pa conseha y mehora siguridad riba nos pais

by Admin
0 comment 57 views

Departamentonan cu ta cay bou di Ministerio di Husticia lo haya tur atencion segun Minister Bikker durante su prome conferencia di prensa diaranson mainta. Ta trata di cuerpo policial, academia di polis y varios di e diensten nan cu ta cay bou di mantene orden publico y siguridad. Diarason mainta Minister di Husticia tabata na academia di polis y ta tende preocupacion cu no tin uniform, no tin materialnan basico pa e polis por eherce su trabao. E parti aki, e mandatario a constata den menos di un luna cu e ta den gobierno. Por bisa riba tur nivel den diferente departamento tin e problema aki y ta stroba pa nan por haci nan trabou debidamente. Mirando cu ta bay saca presupuesto 2018, pa ministerio di husticia urgentemente y diligentemente mester atende cu e falta di material. Minister Bikker a menciona tambe, cu e siman aki lo institui un comision cu basicamente lo bay ta un organo consultativo pa loke ta trata siguridad, prevencion y combatimento di criminalidad. Por a constata cu practicamente riba tur nivel tin diferente organo cu ta duna conseho na gobierno na ministernan, y no por a constata un organo di siguridad pa ta trata e preocupacion number uno di pais Aruba cu ta aspecto di siguridad. E organo di conseho mester dedica atencion full time na formula consehonan pa mehora e siguridad y prevencion pa loke ta trata criminalidad. Slachtofferhulp, awor aki tin Sra. Rodriguez, un persona cu practicamente su so ta draai diensten nan di 24/7, dunando asistencia. Segun Minister Bikker, e ta hopi gradici na dje, pasobra den tur e casonan el a duna atencion, entre otro na e pareha turista. Desde cu e noticia di e atraco a drenta, Minister Bikker a bay Eerste Hulp y a keda te den oranan di anochi cu e pareha, pa duna nan tur atencion. E mandatario a bisa e pareha, cu e caso di nan no ta usual y ta algo indeseabel pa isla di Aruba. Tambe a pidi e pareha disculpa den nomber di pais Aruba pa cu e suceso y cu e tin contacto constante cu nan. E pareha a keda sumamente gradici y na mesun momento ta gradici na nan tambe, pasobra bou di circunstancia sumamente dificil e pareha a mustra comprension y a keda cu un bon imagen di nos isla. Esaki siguramente ta algo di aprecia segun Minister di Husticia, mr. Andin Bikker.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio