Home » Lider di Fraccion di MEP Rocco Tjon: Tin cu stop di ta partidista, ban traha cu un politica madura y responsabel

Lider di Fraccion di MEP Rocco Tjon: Tin cu stop di ta partidista, ban traha cu un politica madura y responsabel

by Admin
0 comment 70 views

Durante rueda di Prensa di Fraccion di MEP riba diarason 3 di Januari, Lider di Fraccion di MEP, Sr. Rocco Tjon a elabora riba e tema di entrega di cartanan di retiro, cu a wordo efectua dia 29 di December. Ex Prome Minister di Aruba sr. Mike Eman a dicidi di ataca miebronan di gabinete Wever-Croes y Directeur di DRH, acusandonan di ta culpable di “kita pan for di mama y tata di famia”. Loke ta hopi facil di remarca, ta cu enbes di responsabilisa su mes pa e mal maneho den varios area, hopi evidente por ehempel den e crisis financiero cu Aruba a keda aden despues di Gabinete Eman II, ta e no ta argumenta e dicon no a percura pa sigi e procedura nan stipula segun ley pa loke ta trata duna contract of “benoeming” den e aparato di gobierno, sea departamento, ministerio of insituto.

Sr. Tjon ta sigi door di bisa cu enbes di culpa otro y ta partidista, tin cu djis compronde y conforma cu loke ta stipula den ley y e proceduranan cu semper a wordo usa den e casonan aki. E la trece dilanti cu den inicio di Gabinete Eman I den 2009, e mesun procedura a wordo usa, unda cu a termina contrato di varios persona y e ambtenaarnan cu tabata “ter beschikking” a wordo manda bek na e departamento di unda nan a wordo hasi disponibel pa traha pa un ministerio. E ora loke nos ta mira aworaki ta un procedura cu a wordo usa durante varios gobierno den nan terminonan di gobernacion. Loke si ta peculiar, ta cu den 2009, hefe di departamentof di Serlimar y KIA a wordo manda cas door di Sr. Eman, den un señal claro di persecucion politico.
Sr. Rocco Tjon a sigi door di splica kiko ta e proceduranan corecto pa loke ta trata duna contract y benoeming hasi durante unda e gobierno ta “demissionair”. A urgi prensa tambe pa informa nan mes bon tocante e tema aki tambe, pa asina evita duna informacion incorecto of conta storia ficticio traha door di e partido di AVP y informa pueblo di Aruba den un manera honesto y corecto. E ser humano ta central pa Gobierno Wever-Croes, pero esei no kiermeen cu ta sigi laga personan aprobecha di e actonan iresponsabel di e gobierno anterior.

Por ultimo, Sr. Tjon a trece dilanti un peticion cu e la hasi na Prome Minisiter Wever-Croes, pa wak pa esnan (kader personeel) cu ta cumpli cu e rekisitonan y a pasa un procedura di solicitud, apesar cu gabinete saliente a actua contra procedura nan, por kisas toch haya e oportunidad di keda na trabou si e hefe di departamento ta haya esaki bon pa e departamento en cuestion. Pueblo mester tene den cuenta cu tin hopi diferente aspectonan cu mester wordo cumpli cu nan pa asina segun ley y procedura, por benoem un persona pa un posicion den un departamento. Fuera di e rekisito di experencia y estudio, e vacature mester ta disponibel, mester tin un begroting pa e posicion y haya positieve advies di DRH. E no ta un secreto cu den varios departamento ta hasi falta di hendenan capacacita y studia cu por hasi e trabou debidamente, enbes di djis wordo poni einan door di “vriendjes politiek”. Hopi di nos “Young Professionals” ta prefera bai traha den sector priva of keda afo unda nan a studia, door cu no por haya trabou den gobierno pa motibo di maneho iresponsabel. E yega ora di sigi pa dilanti cu un politica madura, integro y honesto, unda cu ta trata tur persona igual, unda cada person ta haya e mesun posibildad di trabou. Sr. Tjon ta emfastisa cu tin cu respeta e departamento y instutonan, yudando nan haya hende cu en berdad ta capas y por hasi nan functie. Asina ki so por sigi cu e desaroyo positivo di nos pais Aruba.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio