Home Politics Boton pa alarma y camara di siguridad por yuda evita atraco riba...

Boton pa alarma y camara di siguridad por yuda evita atraco riba puntonan di benta pa Lotto pa Deporte segun Minister Bikker

SHARE

Puntonan di benta pa loke ta Lotto pa Deporte lo haya siguridad inmediato. Minister di Husticia mr. Andin Bikker a constata na un incidente dos siman pasa, cu un bendedo cu a ser menasa door di un persona cu un machete y logra bay cu 68 florin, e victima tabata asina spanta cu e no tabata sa ki number pa yama polis. Esey ta haci cu lo bay institui na tur punto di benta di number, boton pa alarma. E ayudo aki ta bay via un subsidio segun e mandataro. E sistema aki por haci cu mesora un victima di atraco por duna un aviso na Central di Polis y los di esey, lo bin tambe cu sistema di camara. E mandatario a menciona cu otro siman ta bay publica un nulmeting pa wak kico tur a pasa durante Gabinete Eman I y II, pa asina por sa specificamente kico tabata e situacion. Segun e mandatario, hopi biaha na e puntonan di benta di Lotto, e criminalnan ta considera e bendedonan di lotto como un obhetivo unda por enfoca riba dje. E siguridad eynan por wordo optimalisa pero e reto hopi biaha ta financiero pa e motibo aki lo bay haci uzo di fondo di combatimento di criminalidad segun Minister Bikker. E ayudo financiero di e fondo lo percura pa tur punto di benta, nan siguridad wordo optimalisa pa asina preveni cu personanan cu menos bon intencion hinca den nan cabes pa bay molestia e luganan aki.