Candela ta destrui trailer na Burubundo completamente. autoridadnan concerni a start investigacion

Burubundo – Diamars merdia polis a sali cu urgencia pa Burubundo, area di Sabana Basora pa un trailer na candela.
Na nan yegada ya brandweer tawata combatiendo e candela caba.

Ta trata di un trailer di palo cu a kima net mey mey.
Segun nos a compronde e habitante lo no ta na Aruba y cu awe e lo ta yegando bek.
Algo a pone cu polis na e sitio a pone departamentonan concerni manera recherche y polis tecnico(BFTO) na altura.