Bushiri – Aña nobo atardi algo pasa di 5:30 varios unidad di polis a bay pabou di e heki di waf.
Informacion a drenta cu tin 5 homber bringando cu 1 y cu e victima a core drenta lama pa scapa su mes.
Na yegada di polis berdad ta constata cu tin un pelea andando y ta manera a wordo bisa.
Na yegada di mas patruya e situacion a calma y cada parti a duna nan version.
Un cabayero tawata herida na wowo robes parti ariba y por a wak rasca na barica.
Un persona envolvi a conta su version, esta cu e homber cu tawata herida ta esun cu aparentemente lo cuminsa.
Y cu e tawata keda bisa cu e ta Rancho, pakiko e tawata bisa cu e ta di Rancho no ta mucho cla.
E homber herida lo no tawata desea asistencia di Ambulance y a laga sa cu su mes lo bay poli pa su heridanan.