Noticia incorecto tocante taxi price list nobo

Oranjestad – Pa medio di esaki Departamento di Transporte Publico kier informa lo siguiente:
Awe mainta, 29 di december 2017, nos a bin compronde cu aparentemente ta circula un noticia cu entrante prome di januari 2018 lo drenta na vigor un taxi price list nobo.
Nos ta informa tur taxista en particular y pueblo en general cu e informe/ noticia aki no ta corecto.
No tin ningun aprobacion, di e minister encarga cu Transporte Publico, di un asina yama “Taxi Price List 2017 updated”, na vigor.
E taxista(nan) cu cobra pa nan servicionan a base di e price list invalido aki lo wordo sanciona contra di esaki.
Tuma bon nota di esaki.

Directie Departamento Transporte Publico.