ORANJESTAD, Aruba – Diabierna 22 di December Tiger Taekwondo Academy a tene nan cena di Pasco na Don Bosco, unda cu directiva a invita director di Fundacion Lotto pa Departe, Di-Stefano Wernet. E anochi aki e ambiente tabata uno ameno.
Tur hende a gosa di e anochi aki, unda cu tur hende tabata hari y recorda con e aña a bay pa nan. E anochi aki director di FLpD a tuma e oportunidad pa gradici directiva di Tiger Taekwondo Academy p’e invitacion. El a expresa cu FLpD t’ey pa yuda deporte sigui crece y cu nan ta contento di por contribui den e desaroyo di deportistanan di Aruba.
Master Theo Rodriguez a gradici tur atleta cu tabata presente, tambe FLpD pa nan sosten cu e atletanan. Tur atleta tabata contento cu nan cena y a celebra esaki hunto. Di-Stefano Wernet a desea cada atleta exito pa otro aña y cu e fundacion t’ey pa yuda deporte.