Home » Hoben busca pa husticia a logra huy, despues di un persecucion na Nuñe

Hoben busca pa husticia a logra huy, despues di un persecucion na Nuñe

by Admin
0 comment 84 views

Nuñe – Diahuebs anochi pa mas o menso 10’or patruya di Santa Cruz a spot un Toyota Yaris color blanco y a bay pa controla e auto.
Eynan ta caminda cu e persona na stuur no a sigui ordo di polis y a cuminsa un persecucion.

Despues di un persecucion cortico, e Yaris ta drenta un dead end, caminda e chauffeur ta baha y core drenta un mondi su dilanti.
Den e auto e ocupante a keda sinta, cu ta su ruman muhe menor di edad.

Polis a detene y pone den patruya, mientras mas patruya tawata yegando pa busca.
E mondi caminda e hoben aki busca pa husticia ta sali te ariba e caminda di Jaburubari.

Polisnan a core varios rond, pero mirando cu ta un mondi basta grandi y cu e scuridad ta imposibel pa nan a haye.

Famia den Jeep Vitara sinta

Durante cu polisnan ta buscando e hoben aki, den un caya na banda nan ta topa cu un Jeep y den den dje ruman homber y mama di e sospechoso.
Mes ora polis a controlanan. A resulta cu e vehiculo no tawata dispone di niun clase di documento.

Polisnan ta pensa cu e ruman lo a comunica cu su mama y su otro ruman homber, pa e por bay di e sitio, luga esaki no a resulta.

Takelwagen a ser pidi y a piki ambos auto y hibanan warda di polis.

E hoben aki cu ta wordo busca pa husticia pa motibo cu, algun dia pasa e lo a menasa hende cu morto.
Menasa ta algo hopi serio y esun/nan cu ela menasa, a cana nan caminda y a haci denuncia.
Y awor husticia ta busca e hoben aki cu ta un conoci di nan.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio