Home Politics Minister Dangui Oduber ta llama bon bini na Delta Airlines y Sun...

Minister Dangui Oduber ta llama bon bini na Delta Airlines y Sun Country Airlines cu nan vuelonan inaugural directamente for di Minneapolis/St. Paul, MN.

SHARE

Minister di Turismo, Salubridad Publico y Deporte, Sr. Dangui Oduber ta sumamente contento cu Aruba por a hanja vuelonan directo di Minneapolis/St. Paul cu Delta Airlines y Sun Country Airlines, pa asina sigi expande e mercado turistico.

E mandatario encarga cu Turismo ta manda palabranan di felicitacion na ATA cu nan tremendo trabou pa por a hanja e vuelonan directo aki cu ta contribui na expansion di nos mercado turistico. Cu hopi satisfacion Minister Dangui Oduber ta llama bon bini na Delta Airlines y Sun Country Airlines pa cu nan vuelonan inaugural directamente for di Minneapolis/St. Paul. E vuelonan di ambos aerolinea lo ta semanal, saliendo ariba tur diasabra pa asina duna oportunidad na e pasaheronan di e parti “Midwest” di Merca pa bishita Aruba y pa asina Aruba sigi expande su mercado turistico den e region ya menciona di Merca.

Den 2016 alredador di 3 miyon pasahero a bishita nos isla, di cual 53% ta consisti di pasaheronan for di Merca. E meta di Minister Dangui Oduber ta pa Aruba sigi conoce un crecemento continuo di bishitantenan for di diferente region den futuro.