Home Politics Maneho di Lotto pa Deporte no tawata uno transparente

Maneho di Lotto pa Deporte no tawata uno transparente

SHARE

Durante un conferencia di prensa Minister di Turismo, Salubridad Publico y Deporte. Sr. Dangui Oduber, a enfatisa cu decisionnan importante lo bai wordo tuma pa por garantisa e comunidad di Aruba cu tur e entrada nan cu ta wordo genera di Lotto pa Deporte, realmente ta bai den deporte, entre otro e facilidadnan deportivo pa nos muchanan practica deporte y no na bienestar di e “bestuursleden” nan mane anteriormente tawata wordo hasi.

E ultimo añanan lotto pa deporte tawata wordo maneha pa Canadian Bank Note (CBN). Canadian Bank Note ta traspasa un suma di placa pa subsidie commissie pero CBN ta keda cu mayoria di e placa. Actualmente dependiendo di e benta di Lotto na Aruba, Lotto pa Deporte ta genera entre 45 pa 50 miyon florin. Di esaki deporte ta hanja solamente un fraccion chikito. E federacionnan y instancianan deportivo no ta haya suficiente placa pa practica deporte na un nivel respetabel.

Minister Dangui Oduber ta haja hopi cuestionabel con un fundacion ta wordo funda, esta Fundacion Facilidadnan Deportivo (F.F.D.), mientras cu semper tawata tin fundacion Lotto pa Deporte. Minster Dangui Oduber ta remarca tambe riba e hecho cu un coordinador di ex-minister Benny Sevinger a wordo apunta como director di F.F.D. y e director di Fundacion Lotto pa Deporte ta den e mesun directiva di F.F.D. Esaki ta un hecho hopi cuestionabel pa loke ta trata e intencion tras di F.F.D.

Minister Dangui Oduber ta sumamente decepciona cu e hunta actual no kier cede nan asiento y asina purba forsa keda den e hunta pa asina purba na crea obstaculonan pa e Minister por hiba su maneho. E Minister tin un simpel contesta pa nan “nada lo bai obstaculisami pami por hiba mi maneho na bienestar di deporte pa nos comunidad”.