Home » Empleadonan di MetaCorp a disfruta di cena y fiesta di Pasco

Empleadonan di MetaCorp a disfruta di cena y fiesta di Pasco

by Admin
0 comment 69 views

ORANJESTAD, Aruba – Diabierna 22 di December MetaCorp a tene su cena y fiesta di Pasco p’e empleadonan. Mas di 350 empleado a yega hunto pa asina pasa un anochi dibertido y ameno cu otro. E anochi a conta no solamente cu presencia di empleadonan, pero tambe pensionadonan di MetaCorp, kendenan a uni na e celebracion aki di union.

Tur hende a disfruta di e musica dushi di N’Fuzion y Metropolis, unda cu tabata subi pista y no kier a baha. E celebracion di Pasco a bay te den oranan laat di anochi. E empleadonan a gradici gerencia di MetaCorp p’e cena y fiesta di Pasco y ta cla p’e retonan pa otro aña.

Tur empleado di e companianan di MetaCorp, esta ATCO Concrete, ATCO Aruba, Brouwerij Nacional Balashi, Tropical Bottling Company, EcoTech, New York Laundry, The Cinemas, EcoGas y MetaCorp Investment y Maduro Travel, a pasa un anochi placentero.

Tocante MetaCorp
MetaCorp ta existi desde aña 1920 caba den negoshi di cine. Cu apertura di Lago a cuminsa cu E. De Veer Transport cu awendia yama ATCO cu despues a expande tambe den ATCO Concrete Products y Ecotech. Despues di segunda guera mundial a cumpra e planta di Coca Cola y asina a inicia Tropical Bottling, cu na caminda a expande tambe den Brouwerij Nacional Balashi.

MetaCorp ta e empresa comercial mas bieu na Aruba y pronto ta cumpli 100 aña. Cu un fundeshi solido, cu un cultura di compania basa riba principionan di inversionnan duradero y kere den empleadonan, MetaCorp awendia ta cla pa e siguiente 100 añanan di progreso, cu talentonan manera Eddie de Veer, Robert Carrasquero y Guus Slabbekoorn na cabes di e compania.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio