Home » Despues di a wordo ataka pa 3 hoben, agente policial a duna hobencito 12florin cu nan kita di dje

Despues di a wordo ataka pa 3 hoben, agente policial a duna hobencito 12florin cu nan kita di dje

by Admin
0 comment 73 views

Lago Heights – Diaranson atardi den careda di 4:30 polis a bay altura di e veld na Lago Heights, pa un caso unda un mucha homber di 13 aña a wordo maltrata.
Na yegada di patruya nan ta topa cu e hobencito di 13 aña y ta contanan cu tres mucha homber a atake y a kita 12florin cu e tawata tin.

E persona cu ta tira bista ariba e hobencito aki a mande cu 12florin pa cumpra algo na un tienda.
Altura di e veld e ta wordo acerca pa e tres otro hoben, mas grandi cune.

Un bou di e nomber “Giomy” e di dos cu e conoce ta yama “Anthony” y e di tres e no conoce.
Eynan nan a atake y kita e 12florin di dje.

Ela conta polis cu a no sa nan fam of exactamente unda nan ta biba, loke e sa ta cu “Giomy” ta biba na De Vyust. E hobennan aki mester ta rond di 15 aña.

Patruya a pone e victima den patruya y nan a core rond, pa wak si nan por topa cu e tres hobennan aki, pero sin resultado.
E agente di bon curason a saka di su saco 12florin y a duna e hobencito.

Nan a hibe su cas y splica e persona cu wak pe kiko a sosode, e persona na su turno lo avisa e mayornan ora nan yega cas di e loke a pasa.

Awor cu e nombernan ta conoci pa polis ta bon pa e mayornan di e tres hobennan papia cu nan yiu y of bay cunan warda pa polis papia duro cunan.
No por ta asina cu na un edad asina jong, bo ta cana ataka hende y bay cunan placa.
Kiko ta nan futuro ?

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio