Home » Yiu cu problema mental y malesa contagioso kier a mata su famia

Yiu cu problema mental y malesa contagioso kier a mata su famia

by Admin
0 comment 108 views

Cumana – Diaranson mainta batayon di polis a bay un cas poco pariba di rotonde di Dadelstraat, caminda un yiu homber a bira loco.
Prome informacionnan a indica cu e yiu homber lo ta arma cu varios cos, entre otro te hasta un arma di candela.

Patruyanan tawata yegando di tur caminda, pa reenforsa e coleganan, mirando cu e señora cu a yama a bay sconde den un camber pa su seguridad.
Na yegada di patruya nan a topa cu e cabayero cu ta un pashent di Paaz, pero no a constata cu e tin arma of algo por el estilo cu ne, solamente un pida palo.

Na e sitio nos a compronde cu un dia prome ya patruya a bin e adres aki, pa e mes un persona aki. Nota a wordo haci di e caso y slachtofferhulp tambe a wordo avisa. Esaki ta ayera.

Famia a avisa polis tambe cu e persona aki lo tin un malesa contagioso y por a wak e agentenan bisti cu latex gloves, pa protehanan mes.

Prome cu nan a transporte a pidi pa ambulance, pa nan controle.

E lo mester wordo interna den Paaz awor. No ta conoci si ta debi na luga den Paaz cu e no ta eyden ainda.
Algun siman atras Paaz tawata completamente yen y no por a tuma niun pashent extra.

Patruya na final a haye ta hiba e yiu Poli, ban spera e lo por haya su tratamentonan adecuado y tambe wordo interna pa siguridad di tur hende.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio