ORANJESTAD, Aruba – San Nicolas Taekwondo Foundation a tene nan cena di Pasco na Renaissance Mall unda cu a invita director di Fundacion Lotto pa Deporte, Di-Stefano Wernet. E anochi aki tur presente a disfruta di e cuminda sabroso y coy bebe, unda cu nan a pasa un anochi ameno.
E anochi aki tur hende a recorda con e aña a bay den e competencianan, pero tambe a papia riba e trainingnan. E anochi aki Master Eric Barry di San Nicolas Taekwondo Foundation a hiba palabra y a gradici un y tur cu a presenta na e cena di Pasco. Tambe el a gradici Fundacion Lotto pa Deporte p’e sosten cu nan a ricibi for di nan.
E anochi aki Master Barry a entrega Di-Stefano Wernet un basket di Pasco, kende na su turno a acepta esaki. Di-Stefano Wernet a gradici San Nicolas Taekwondo Foundation p’e invitacion y regalo, unda cu el a indica cu Fundacion Lotto pa Deporte t’ey pa duna sosten na deporte. Tur hende a keda contento, unda cu algun atleta a ricibi trofeo.