Home Local Cateronan di Post Aruba N.V. a scoge 1 cas den cada ruta...

Cateronan di Post Aruba N.V. a scoge 1 cas den cada ruta Partidonan di carta a entrega basket di Pasco na algun famia

SHARE

ORANJESTAD, Aruba – Temporada di Pasco y Fin di Aña ta un temporada pa comparti, pero tambe pa refleha kico tur a pasa durante henter e aña. Esaki ta e proposito di Post Aruba N.V. p’e temporada aki, pero tambe pa yuda famianan cu ta den necesidad.

Post Aruba N.V. a parti basketnan di Pasco pa famianan cu por haci bon uzo di dje. Manera Post Aruba N.V. ta bin ta haciendo den e ultimo añanan, pa medio di cada partido di carta a scoge un cas riba nan ruta. Ta trata di 32 ruta y a parti un basket di Pasco na cada famia scogi den cada ruta.

Pa cu e accion aki Post Aruba N.V. a haya e contribucion di Tropical Bottling, Martijn Trading y Frasa. Post ArubaN.V. ta gradici cada un pa yuda haci e partimento di basket uno mas grandi. Post Aruba N.V. ta desea henter pueblo di Aruba un Feliz Pasco y un prospero 2017.

A funda e compania priva Post Aruba N.V. na aña 2005. Su oficina principal ta situa na J.E. Irausquin Plein # 9 na Oranjestad y tin 2 oficina adicional na Santa Cruz y San Nicolas. Ey ta ofrece tur tipo di servicio, for di manda un envelop, te na carga pisa. Post Aruba N.V. ta conta cu 111 empleado, cu diariamente ta yega na 42 mil adres situa tur rond di nos isla. Mas cu djis un servicio, e empleadonan atento ta percura pa tanto comunidad como sector comercial por comunica cu otro.

Pa mas informacion riba servicionan di Post Aruba N.V., bishita e website www.postaruba.com of check nan paginanan riba Facebook, cu ta Post Aruba NV y Aruba Stamps.