Homber intencionalmente gepres cu auto contra muraya, na Tarabana

Apelsinastraat – Diasabra atardi algo prome cu 5’or ambulance y polis a bay den Apelsinastraat cu Macubaristraat, caminda auto lo a dal un persona.
Na yegada di polis di trafico esnan presente y tambe famia, a conta polis un otro version di e susedido.

Na e sitio nos a compronde cu famia a bisa polis cu e caso lo ta uno intencional.
Aparentemente un auto lo a subi acera y pres e cabayero contra e muraya y despues bay.

Na yegada di polis e victima no kier a bisa polis ken e persona cu e comete e acto ta.
Loke por deduci di e incidente aki ta cu, e ta un intento di asesinato of un sorto di menasa.
Autoridad a bisanan e caminda pa cana, mirando cu no kier papia ta ken a hacie.

Ambulance a bay cu e victima direccion Hospitaal.