Home Sports Grand Master Chaco Cornelio a retira for di Taekwondo

Grand Master Chaco Cornelio a retira for di Taekwondo

SHARE

Grand Master Chaco Cornelio ta miho conoci como e referee di Aruba. Ora cu nan ta papia di
Aruba semper nan ta papia di Grand Master Chaco Cornelio na eventonan internacional.
Unda cu bo bay y bisa cu bo ta di Aruba, mesora nan ta bisa Chaco.

Grand Master Chaco Cornelio a cuminsa cu su carera trinti pico aña pasa. E tempo ey Grand Master
Chaco Cornelio a cuminsa cu su prome training y nunca a spera di yega asina leu den Taekwondo.
Tres siman pasa Grand Master Chaco Cornelio a entrega su retiro na di World Taekwondo Federation
como referee internacional. Grand Master Chaco Cornelio a wordo yama pa sigui cu sanacion di hende
cu ta surfi di cualkier lesion of problema mental. Grand Master Chaco Cornelio ta haci esaki na un forma
natural, sin remedi of cualkier otro cosnan. Grand Master Chaco Cornelio tin dos piramide na Babijn y energia
positivo ta wordo usa pa cura hende.

Grand Master Chaco Cornelio a bisa cu esaki ta algo cu e mes nunca a pensa di haci, pero durante di e
añanan el a cuminsa haña e yamada pa haci tal y asina cos a cuminsa. Grand Master Chaco Cornelio a logra
masha hopi mes durante di su carera manera; Ridder in de Orde van Oranje Nassau, Hall of Fame, Referee Olimpico,
nombra como e miho referee na mundo y 7 Dan den Taekwondo. Grand Master Chaco Cornelio a pasa mas cu
200 hende pa nan faha preto den Taekwondo y a funda Noord Taekwondo Center y asina por sigui menciona hopi
cosnan mas cu Grand Master Chaco Cornelio a logra den Taekwondo.

Awo nos no lo mira Grand Master Chaco Cornelio mas ta para referee na eventonan di Taekwondo.
Exito Grand Master Chaco Cornelio y tur cos bon.