Home Police Dos criatura cansa y cu soño dilanti bar restaurant, nan tata burachi...

Dos criatura cansa y cu soño dilanti bar restaurant, nan tata burachi na stuur

SHARE

Pos Chikito – Diabierna marduga, algo pasa di 12:30 patruya di San Nicolas ta bay Tio Pepe, situa na Pos Chikito.
Informacion cu nan a ricibi tawata cu tin un cabayero bou influencia y cu e lo ta cu dos mucha den un Van.

Na yegada dilanti e bar restaurant agentenan a topa cu e auto. Den e auto e cabayero cu resulta cu ta tata di e dos criaturanan, un di 9 y un di 5.
E muchanan tawata tin soño y tambe tawata mustra hopi cansa. Y tawata mas cu logico, mirando e orario.

Agentenan pa siguridad di trafico y di e criaturanan a kita e jabi di auto y tambe a pasa man pa ambos yiu.
Agentenan a constata cu e tata tawata burachi.
Ambos yiu a wordo hiba warda di San Nicolas, caminda den oranan di marduga Voogdijraad a presenta. Manera a bin ta anuncia, casonan di negligencia y of abuso di mucha ta wordo trata cu man duro.

Aki un biaha mas por mira cu ciudadanonan ta bastante atento, pa casonan caminda nan ta nota algo cu no ta bon cu un criatura.

Version di e tata
Segun e tata ta cuminda ela bay cumpra.
Tambe a bin sali na cla cu aparentemente e mama di e criaturanan lo a bandonanan algun luna pasa, e lo a conoce un otro persona y a bay laga e tata cu e muchanan.

Posiblemente e tata lo ta pasando den momentonan dificil, despues cu e mama di su yiunan a dicidi di bandona su hogar y sigui su bida. Aparentemente esaki lo por a pone cu e tata a bay bebe.

E cabayero ta pasando den momentonan dificil berdad, pero no por expone bida di su yiunan y ni tampoco di otro hende na peliger, na momento cu e subi burachi tras di stuur.

E caso tristo aki ta den man di voogdijraad.