Directiva di Servicio Meteorologico a tuma nota cu un relato di prensa a wordo publica den
cierto medionan di comunicacion. Den e relato aki ta referi na Servicio Meteorologico den un tono negativo.
Pa prome ta referi cu aeropuerto ta corre peligro pa sera durante dianan di fiesta.
Esaki dor cu empleadonan no ta contento cu nan trabou.
Esaki ta stranjo pa directiva, paso niun ora tabata tin un strike i directiva no a wordo
aserka tampoco den massa dor di empleadonan cu ta rabia.
E tijdelijk tekort aan employees, tabata relata na kebranza di salud cu ta algo cu por pasa semper i ta normal.
Directiva di Servicio Meteorologico a adapta e schedule di trabou, pa asina e servicio por a keda wordo duna
manera semper cu mesun calidad.
Directiva a tuma nota tambe cu ta menciona cu e directeur a keda sin paga empleadonan. Esaki ta stranja
directiva paso tur papel relata cu pago ta wordo entrega na tempo na e instancianan concerni,
i ta e instancianan aki ta paga empleadonan. Servicio Meteorologico ta un departamento di gobierno i no
un negoshi priva cu un donjo na cabez.
Relaciona na e otro puntonan cu e press-release ta hasi mencion, tin cu bisa cu directiva di Servicio
Meteorologico semper a actua segun recommendacionan di instancianan concerni.
Directiva tambe ta keda stranja cu mayoria di empleadonan no tabata na haltura mes di e press release cu a
sali. Pues loke e relato di prensa ta buska di illustra cu supuestamente e ta un relato cu ta garga approbacion
di mayoria di e empleadonan no ta cuadra cu berdad.
Manera tur caminda unda tin trajado semper por tin 1 o dos trajado cu no ta contento cu nan trabou, pero esei no ta dunanan
derecho di papia namens un departamento o su empleadonan.
E email [email protected] sigur no ta di servicio meteorologico. Tur email di Servicio Meteorologico
ta caba cu @meteo.aw.
Directiva di Meteo ta recommenda e medio-nan di prensa cu a publica e fake-news aki pa otro biaha hasi un
mihor investigacion, den lugar di publica datos sin verifica mas a leu ariba e berdad.