Home » F.A.D.A. kier gradici tur persona, instancia y compania cu semper a duna nan sosten y cu a participa activamente na nan campañanan

F.A.D.A. kier gradici tur persona, instancia y compania cu semper a duna nan sosten y cu a participa activamente na nan campañanan

by Admin
0 comment 56 views

Mayoria hende den nos comunidad conoce F.A.D.A. y sa ki trabou F.A.D.A. ta haci. Tur aña F.A.D.A. ta purba uza diferente forma pa conscientisa mas hende ariba e tema di droga y alcohol. Den e ultimo añanan nos a cuminsa haci mas uzo di social media, mirando cu social media ta un medio cu awendia hopi hende ta haci uzo di dje y cu por uze pa trece informacion of un mesahe dilanti.

F.A.D.A. kier gradici tur persona, instancia y compania cu semper a duna nos nan sosten y ta participa activamente na nos campañanan. Un danki special ta bay na tur esnan cu ta respeta nos mensahenan objetivo, scientificamente prueba y cu ta comparti esakinan pa asina yuda nos den e lucha pa hiba Aruba dilanti. F.A.D.A. no ta solamente pone enfasis ariba e riesgonan di uzo of mal uzo di droga y alcohol, pero tambe ta purba duna e persona e ‘tools’ pa pensa ariba su salud y bienestar di su mes of di su famia y nan futuro.

Nos kier trece e tema di adiccion mas amplio cu ta posibel dilanti. Adiccion no solamente tin di haber cu alcohol of droga. Un persona por bira adicto na diferente cos, manera gambling, videogaming y asta comemento pa nombra algun.
F.A.D.A. ta y lo sigi haci e trabou den un forma di colaboracion cu otro instancianan. F.A.D.A. ta kere cu trahando hunto nos por logra hopi mas. Pa nos trabou por tin un resultado positivo ta importante pa nos comunidad tuma e responsabilidad pa duna e bon ehempel tur ora y na cada momento.

Nos kier a bisa danki na tur studiantenan, alumnonan, maestronan, scolnan y empresanan cu ta haci uzo di nos servicionan pa nan desaroyo y di otronan. Nos kier bisa danki na esnan cu ta scoge pa bin stage na nos Fundacion. Ta un honor pa nos por yuda, guia y motiva boso den e fase di boso estudio. Sigi educa boso mes pa asina yuda hiba nos dushi Aruba dilanti.
Den nomber di Directiva y Personal di F.A.D.A. nos kier a desea un y tur Feliz dianan di Fiesta.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio