Home Local Redemption day y warehouse sale di Balashi tabata exitoso

Redemption day y warehouse sale di Balashi tabata exitoso

SHARE

ORANJESTAD, Aruba – Brouwerij Balashi tabatin nan redemption day y warehouse sale, unda cu hopi hende a presenta pa entrega boter y ricibi placa cash pa nan pero tambe pa cumpra diferente producto di Balashi. Desde mainta trempan tabatin hende para pafo en espera di e redemption day y warehouse sale.

E acogida tabata hopi bon y momento cu porta a habri pa 9:00am, hendenan a cuminsa drenta, asina Regine Nicolaas, key account manager on premise, a expresa. Durante e redemption day hopi hendenan a trece hopi boter y Balashi ta gradici pueblo di Aruba pa scucha e mensahe pa trece e boternan. E boternan tin balor, unda cu Brouwerij Balashi ta recicla e boternan p’e medio ambiente cual ta hopi importante.

P’e warehouse sale Balashi a promove hard likeur, biñanan y mas producto, di cual cerbesnan a sold out. E likeur mas bendi tabata e rom Bacardi, whisky Dewars di 12 aña y tambe e vodka Grey Goose. Personal di Balashi tabata contento di mira cu hopi caha a bay y esaki tabata un señal cu nan a bende hopi cos.

Pa loke ta trata campaña p’e resto di aña di Balashi ta terminando di cual durante e simannan aki tin campaña cu a termina, asina Regine Nicolaas a indica. Pa otro aña nan lo bin cu campañanan nobo manera semper, unda cu lo bin cu cosnan nobo pa tin special p’e clientenan.
Regine Nicolaas a gradici henter team di Tropical Bottling Co. pasobra tur departamento a duna nan parti diasabra durante e redemption day y warehouse sale. Un tiki di tur hende a haci e dia aki posibel y esaki tabata un esfuerso di team.