ORANJESTAD, Aruba – Manera ta un tradicion di hopi aña, Digicel Aruba ta anuncia descuento special pa cumpra celular como regalo di Pasco. Lo haci esaki durante e “Happy Hour Christmas Offers” cu lo tuma luga diabierna awor dia 22 di December 2017.
E dia aki Digicel tin oferta special riba nan Prepaid Galaxy J2, cu lo bende pa solamente Afl. 99,- y e ta valido cu compra di un “Quick Pick Bundle” di 7 dia di Data pa Afl. 17.50. E celular modelo Nokia 5 ta GRATIS ora cera un contract di Postpaid di 1 aña, mientras e oferta di Samsung S8 ta valido cu Postpaid extra cu un contract di 2 aña pa unicamente Afl. 729,-. Tambe tin e promocion cu na momento un cliente top up mas cu 10 florin nan por participa y gana ticket pa cinema, un sistema di home theater of 2 mil florin.
E anochi aki lo tin gaita Los Paranderos kendenan lo ta poniendo ambiente cu nan cantica di Pasco y tambe lo ta presente Santa Clause. Fundacion Pa Nos Comunidad un biaha mas lo ta presente pa acepta fondo of productonan cu no ta daña for di comunidad pa yuda esunnan den necesidad.
Pasa na Digicel Tanki Leendert y probecha di e oferta special aki. E shopping night aki ta dia 22 di December y e oferta special ta valido solamente entre 5:00pm – 8:00pm.
Digicel ta proveedor di comunicacion total y di entretenimento cu ta opera den 31 mercado den Caribe, America Central y Pacifico di Asia. Tambe Digicel ta anfitrion di e iniciativa rond di mercadonan, cu ta inclui Fundacion Digicel na Haiti, Jamaica, Papua New Guinea y Trinidad y Tobago cu ta enfoca riba educacion, cultura y programanan social di desaroyo. Bishita www.digicelgroup.com pa mas informacion.