Home Local Celebracion di reapertura di Sport Caribe

Celebracion di reapertura di Sport Caribe

SHARE

Oranjestad: Diabierna anochi a celebra un momento bunita, unda Sport Caribe a tene un reapertura pa motibo di a muda recientemente. Sport Caribe a muda bai Emmastraat #3, despues di mas cu 20 aña tabata situa na Emmastraat #5.

Loke ta remarcabel di e hecho aki ta, cu e mesun tereno unda awendia ta emmastraat #3, ta e mesun caminda unda Sportshop Antilliano (cu awendia ta Sport Caribe) a habri su portanan pa prome biaha. Pa por conmemora e momento aki, a dicidi a ripiti e acto simbolico pa inaugura e store, unda cu 50 aña pasa, Harry Janssen a pidi atleta di aña Hjacinto Mario Croes, pa subi e bandera di Aruba.

Ayeranochi a logra ripiti e gran momento aki! Awendia, Hjacinto Mario Croes, doño di Mario’s Sport Shop, una bes mas a subi e bandera den presencia di Harry Janssen y demas famia cu ta forma parti di e team di Sport Caribe. Monique Janssen, yiu di Harry Janssen, a mira esaki como un momento hopi special, como e ta logra maak mee e sucedido cu a inicia tur cos 50 aña pasa.

Minister di enseñsa, Minister Rudy Lampe, tambe a asisti na e evento aki y a papia cu esnan presente, enfocando den e importancia di deporte y educacion deportivo.

Sport Caribe ta sigui brinda e pueblo di Aruba un coleccion di Adidas y Reebok y e mihor servicio posibel, cultiva den e 50 aña di experiencia den bende articulo y paña deportivo. Un otro hecho peculiar di Sport Caribe ta, cu nan a wordo reconoci door di Adidas como e distribuidor mas bieu di e marca den mundo.

Sport Caribe kier a gradici e pueblo di Aruba cu a apoya y bishita Sport Caribe durante e ultimo 50 aña y a pone nan confiansa den un compania familiar y local manera nos. Den e mesun momento nos kier a gradici tur hende den prensa cu a yama of asisti na e evento aki y asina yuda carga e mensahe den tur medionan di comunicacion.

Sport Caribe lo sigui den e mesun rumbo, brindando pueblo di Aruba, paña y articulonan di calidad y un servicio unda tur nos clientenan ta manera un famia.