Home » Prome Minister Evelyn Wever-Croes: PRONTO TUR SCOL NA ARUBA LO HAYA WIFI GRATIS “Ora cu tin cooperacion entre coleganan, lo alcansa cosnan grandi”

Prome Minister Evelyn Wever-Croes: PRONTO TUR SCOL NA ARUBA LO HAYA WIFI GRATIS “Ora cu tin cooperacion entre coleganan, lo alcansa cosnan grandi”

by Admin
0 comment 56 views

Diahuebs 14 di december ta marca un otro logro di Gobierno di Aruba cu e noticia cu tur scol na Aruba pronto lo haya WIFI gratis. E acuerdo aki a wordo firma pa Prome Minister Evelyn Wever-Croes, Minister Armando Lampe y Director di SETAR sr. Roland Croes.

Prome Minister a felicita Minister Armando Lampe y Minister Chris Romero cu e fase importante aki cu ta brinda alumnonan y maestronan di tur scol aki na Aruba.

Ora cu gobierno ta enfrenta retonan grandi, e pregunta semper ta keda si ta bo so lo mester bay atende cu nan. Pero pa Gabinete Wever-Croes esaki lo no bay ta e caso den e gobernacion aki. Y esaki ta un ehempel cu ora cu Gobierno y un compania di Gobierno traha hunto, lo alcansa cosnan grandi. E mandatario a gradici tambe Director di SETAR, Roland Croes y SETAR pa brinda e cooperacion pa logra esaki.

Prome Minister a expresa su satisfaccion y alegria di mira e trabou cu a wordo haci hunto y e cooperacion entre coleganan den Gabinete Wever-Croes pa logra cumpli cu metanan na beneficio di muchanan di nos pais.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio