Recientemente na Monumentenbureau tabata tin e presentacion di nos stagiaire, srta. Romy van Voren. Pa 3 luna Monumentenbureau tabata tin un stagiaire for di Hulanda cu a bin Aruba pa asina por haci un proyecto di investigacion pa asina por termina su estudio di masters den e materia di “Cultuurgeschiedenis van moderne Europa”.
E proyecto di investigacion cu srta. van Voren a haci tabata tocante nos Casnan Floria. E la investiga nos Casnan Floria, investiga e diferente dibuhonan riba e Casnan Floria, E la tene interview cu famia nan di metslanan di antes y busca den archivonan pa historianan di antes. Como clausura di su investigacion, Romy mester a presenta dilanti Director di Monumentenbureau, sra. Yvonne Webb-Kock cu tabata su mentor durante su temporada di stage. Presente tambe tabata tey sr. Luc Alofs, antropologo y sr. Harold Kelly cu ta archeologo na Museo Archeologico, su stagedocent na Hulanda, Rachel Gillett, via skype y demas coleganan di Monumentenbureau.
Nos por bisa cu srta. Van Voren a haci su presentacion exitoso y pronto e investigacion aki di Monumentenbureau lo wordo presenta na nos Minister sra. Mr. Xiomara Ruiz-Maduro.
Por ultimo Monumentenbureau ta gradici sr. Ito Tromp, Harold Kelly, Luc Alofs, Olinda Rasmijn y sra Noris van Lis Donata pa nan intervieuws y informacion.
Alaves danki pa e aporte di Des Croes, Peter Scholing y Randy Hoek di Departamento Arubiana. Sr. Nelson Thiel, Gisela Geerman y Randolf Laclé di Archivo Nacional Aruba.
Sr. Stanley Dabian na Departamento di Cultura y tur e famia di e casnan floria y un y tur cu a contribui na e proyecto aki.
Monumentenbureau ta desea srta. Romy van Voren hopi exito cu su estudio y ta spera cu Monumentenbureau por a contribui na su conocimiento. Monumentenbureau lo continua cu registracion y cu e pintamento di e dibuhonan den computer.