Home » Minister Chris Romero hunto cu Minister President a bishita WEB NV Gobierno hunto cu WEB NV lo traha hunto pa yega na un Aruba berdaderamente sostenibel

Minister Chris Romero hunto cu Minister President a bishita WEB NV Gobierno hunto cu WEB NV lo traha hunto pa yega na un Aruba berdaderamente sostenibel

by Admin
0 comment 46 views

Diahuebs mainta Minister Chris Romero hunto cu Minister President, sra Evelyn Wever-Croes, a hasi un bishita oficial na WEB Aruba NV.
Aki e mandatarionan a haya un presentacion di e plan cu e planta di awa tin te cu 2021 y tambe a mira cu esaki ta cuadra cu e plan di e Gobierno actual pa cu desoroyo di energianan limpi.

Mester accentua cu hopi aspecto cu a bin dilanti di parti di WEB NV ta cuadra cu e pensamento y plan di Gobernacion di Gabinete Wever-Croes.
Un di e metanan di e Gobierno actual pa loke ta energia limpi, ta di hasi menos uzo posibel di loke nos conoce como ‘Heavy Fuel Oil’ y di e manera aki ta sigura un proteccion mas concreto di nos medio ambiente. Pero apart di ta proteha medio ambiente, lo bay baha e gastonan halto cu Heavy Fuel Oil tin cun’e.
E idea y meta ta cu pa aña 2021 Aruba por yega na conta cu 50% di energia limpi pa nos propio uzo.

Actualmente, Aruba ta conta cu unicamente 15% pa 16% di energia limpi, y esaki ta algo cu no a cambia den e ultimo 8 añanan.
Mayoria di e energia limpi cu nos tin actualmente aki na Aruba ta bin for di e parke di molina di biento. Aki ta unda Gobierno ta coincidi cu e pensamento di WEB Aruba NV pa amplia e cantidad di molina un poco mas y asina yega na un porcentahe mas halto di energia alternativo y limpi.

Pero pa por yega na e meta di 50% di energia limpi, no mester pensa riba energia di biento so pa amplia, pero tambe mester pensa di amplia e suministro di energia solar.
Awendia e gastonan pa por yega na produci energia solar a baha considerablemente, cual ta un bon ventaha pa nos na Aruba.
Di nan banda, WEB NV tin e intencion pa traha un otro parke solar, cual lo yuda yega na e 50% di energia limpi pa 2021, pero tambe ta contribui na e plan cu Gobierno tin pa Aruba yega na ta mas autosostenibel dor di cuminsa produci nos mesun energia.

Otro di e metanan di e Gobierno aki ta pa logra bira independiente di e Heavy Fuel Oil dor di bay hasi uzo di gas natural. Y den un trabou den conhunto entre Gobierno, como stakeholder, y WEB lo por yega na e metanan pa cu un Aruba sostenibel na aña 2021.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio