Home » Minister Armando Lampe: WIFI na tur scol di Aruba lo bira un realidad Cu digitalisacion cada mucha lo wordo diferencia segun su desaroyo, talento y capacidad

Minister Armando Lampe: WIFI na tur scol di Aruba lo bira un realidad Cu digitalisacion cada mucha lo wordo diferencia segun su desaroyo, talento y capacidad

by Admin
0 comment 56 views

Diaranson mainta durante Conferencia di Prensa di Gobierno, a firma un acuerdo di un proyecto hopi importante di digitalisacion den enseñansa. Esaki ta encera cu tur scol cuminsando di kleuterschool lo haya WIFI gratis y cu un speed hopi halto.

Minister di Enseñansa sr. Armando Lampe a duna di conoce cu un di e clavenan importante den e Plan Nacional den Enseñansa di 2018 pa 2028 ta digitalisacion y aki WIFI lo ta clave tambe.

E mandatario e comenta cu entre otro reconocimentonan di logro cu a wordo otorga na esnan den enseñansa recientemente, a otorga tambe un reconocimento na un proyecto di digitalisacion di un maestra di Scol Washington.

Den un presentacion cu e Minister a haya di un les uzando WIFI, a keda demostra cu e muchanan tabata mucho mas interactivo den e les. Ta hopi fundamental e ora pa tin WIFI cu suficiente speed na tur scol pa despues sigui traha pa pronto tur les wordo duna na un manera interactivo y digital.

Minister Lampe ta bisa cu despues di e plan di 10 aña na aña 2028, e meta ta pa no tin bukinan imprimi ni fotocopia mas pero henter e enseñansa lo wordo digitalisa. Esaki kiermeen tambe cu lo bin personalisacion den enseñansa. Cada mucha na un manera personalisa lo ta activo den enseñansa danki na e technologia digital na unda cu cada un lo wordo diferencia segun su desaroyo, talento y capacidad.

E mandatario ta bisa cu digitalisacion lo bay tin un efecto profundo y positivo na unda cu e lesnan lo bira mas interactivo. Esaki kiermeen cu e mucha lo haya mas stimulacion pa bira mas activo y nan lo bira ciudadanonan mas critico y participativo.

Minister Armando Lampe a gradici Director di SETAR, sr. Roland Croes y su comision cu a traha duro e ultimo dianan aki pa awe yega na e acuerdo importante aki.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio