PALM BEACH, Aruba – December 2017: Inspira door di Marriott su core value ‘Putting People First y Serving The World’, Aruba Marriott Resort & Stellaris Casino, The Ritz-Carlton, Aruba, Marriott’s Aruba Ocean Club y Marriott’s Aruba Surf Club a uni forsa pa asina recauda fondo pa e paisnan cu recientemente a wordo impacta door di horcan, por medio di organisacion di un cena y baile hopi special cu jama ‘Season of Giving Event’.
Durante e ultimo lunanan, e area norte di Caribe sigur ta pasando den temponan bastante duro despues di a wordo impacta door di Horcan cual a cambia bida di e comunidadnan y personanan bibando den e region. Y como cu e gana pa juda otronan ta core profundo den e cultura di Marriott, e hotelnan di Marriott na Aruba a uni pa asina recauda fondo pa sostene e victimanan di horcan den e region.
Diahuebs 7 di december 2017, ‘Season of Giving Event’ a tuma lugar den e Grand Ballroom di Aruba Marriott Resort & Stellaris Casino. Simultaneamente, un ‘silent auction’ a tuma lugar tambe durante e evento. E fondonan recauda di e evento y e ‘silent auction’ a bay pa Marriott su ‘Disaster Relief Fund’, cual a wordo estableci door di Marriott International pa asina sostene e compania su esfuersonan pa yuda famianan y comunidadnan impacta door di disasternan. Cien porciento di e fondonan recauda durante e evento di ‘Season of Giving Event’ lo bay directamente pa e organizacion aki y pa e destinacionnan den Caribe cu a wordo impacta door di horcan.
Tur cuater hotel ta sumamente agradecido pa e reaction positivo cu a ricibi di e comunidad local y companianan local cu a sostene e iniciativa special aki door di cumpra mesanan pa e evento, haci donacion di cuminda, bebida y premionan pa e ‘silent auction’. Danki na nan sosten e evento aki tawata un exito rotundo y hunto a logra recauda un estimado $50,000 pa asina asisti esnan cu ta drentando den e temporada di fin di aña enfrentando un tremendo incertidumbre y di necesidad pa percupra pa nan mes y nan famia.