Home Politics Bunita iniciativa di Cuerpo di Aduana y ATIA CURSISTANAN TA TERMINA “DECLARANTEN...

Bunita iniciativa di Cuerpo di Aduana y ATIA CURSISTANAN TA TERMINA “DECLARANTEN CURSUS” CU EXITO Hunto ta logra cambio grandi pa Aruba

SHARE

Diaranson ultimo, un grupo di 25 cursista a ricibi nan certificado pa e “declaranten cursus” di Cuerpo di Aduana. Prome Minister Evelyn Wever-Croes hunto cu Director di Cuerpo di Aduana Ricky Croes a haci entrega di certificadonan na e cursistanan aki.

Prome Minister a felicita tur cu a termina e curso y a sigui cu determinacion y a sacrifica pa yega na e meta final. Den su discurso cortico, e mandatario a bisa cu sacrifica ora personal pa sigui un estudio di trabou no semper ta facil. El a bisa cu esaki ta algo cu ta yen’e di orguyo di sa cuanto hende ta dispuesto pa haci e sacrificio pa mehora y alabes brinda miho servicio pa e departmento.

Prome Minister a felicita ATIA y Cuerpo di Aduana pa introduci e iniciativa aki hunto y yega na e convenio pa hunto e sector priva y e sector publico coopera cu otro den benificio di ambos como tambe di tur cursista y pa e comunidad di Aruba en general. E mandatario a expresa su deseo pa e ehempel aki tin su refleho den nos comunidad cu ta hunto nos mester logra cosnan grandi pa Aruba.