Willemstad, Corsou: Kustwacht di Caribisch Gebied (KWCARIB) den cooperacion cu Douane di Korsou a intercepta diamars 12 di december 4 boto den cual un total di 8 persona a keda deteni y tur ta nacionalidad Venezolano.
Durante e control aki, nan a bin haya un cantidad grandi di arma y municion. Tambe e personal di Kustwacht a haya dos handgranaat.
Operador di e Centro di Rescate y Coordinacion a detecta e botonan aki for di 2’or di merdia. Nan tabata den awanan teritorial Venezolano, pero toch basta cerca di Korsou, e botonan aki tabata actuando basta sospechoso y esaki mesora a hala atencion di e operador di e Centro di Rescato y Coordinacion. Mesora nan a dicidi di manda un Super-RHIB direccion di e 4 botonan.
Na yegada un di e botonan tabata wordo getouw. Personal di e Super-RHIB a bay abordo y ta bin topa cu armanan, municion y 2 handgranaat.
Mesora a detene tur persona abordo di e botonan y tur 4 boto a wordo getouw y treci na e steunpunt di Kustwacht cu ta na Parera.
Eynan e ocho tripulantenan cu a keda deteni y tambe tur locual a keda confisca a wordo pasa pa Cuerpo Policial di Corsou.
Asina por mira un bon trabou di parti Kustwacht y esnan cu ta traha tras di e radar, cu a evita cu e armanan pisa y peligroso aki lo por a drenta Corsou.