Home » Curso di good governance duna Miembronan di AVB a ricibi curso di administracion di CONCACAF

Curso di good governance duna Miembronan di AVB a ricibi curso di administracion di CONCACAF

by Admin
0 comment 64 views

ORANJESTAD, Aruba: Arubaanse Voetbal Bond a tene un curso di Administracion di CONCACAF y miembronan di directiva a participa na esaki. Randolf Laclé, miembro di Arubaanse Voetbal Bond a indica cu dos siman pasa nan tabatin un curso caba di CONCACAF. E curso aki tabata over di “Good governance” riba e parti di directiva di Arubaanse Voetbal Bond (AVB).

 

FIFA ta cambiando su statuutnan mescos cu CONCACAF, cual e forma di funciona como directiva ta cambiando y esey ta conta pa Aruba tambe. A conta cu e presencia di Howard McIntosh di CONCACAF, kende ta development coordinator y ta encarga cu e programa di ONE CONCACAF, pa duna e curso aki. Randolf Laclé a indica cu e curso aki tabata uno interesante.

 

E prome cos cu AVB mester regla ta e statuutnan, cual mester cambia esaki. Pa por haci esey nan a ricibi instruccion di FIFA pa cambia esaki. AVB ta bezig cu esaki y tambe nan ta ricibiendo ayudo for di COA. El a sigui indica cu ta spera di termina cu e cambio aki pronto pa asina implementa e cambionan den e directiva di AVB.

 

Howard McIntosh tabata contento di tabata na Aruba pa asina duna e curso na AVB. El a indica cu e curso a bay bon y nan a discuti riba e topico di problemanan rond di “governance”, e miho practicanan, tambe ta purba di sigura cu AVB funciona manera mester ta a base di e regulacion di FIFA y CONCACAF. AVB ta den e proceso di traha un plan strategico y ta importante pa discuti topiconan manera governance, miho practica y standard. Esaki ta pa asina AVB por discuti esaki cu tur miembro y club, pa asina tur tin comprondemento kico ta e exigencianan.

 

E curso aki cu CONCACAF a duna ta parti di nan programa ONE CONCACAF, unda cu nan ta sigura cu miembronan ta opera den e manera cu nan mester. “Nos ta aki pa promove e wega. Y e wega tin hopi componente rond di dje, un parti di dje ta ‘good governance’ y bon administracion”, asina Howard McIntosh a termina.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio