Home » Yiunan di empleadonan di Riu a disfruta di e celebracion di Sinterklaas y Zwarte Piet

Yiunan di empleadonan di Riu a disfruta di e celebracion di Sinterklaas y Zwarte Piet

by Admin
0 comment 65 views

ORANJESTAD, Aruba – Riu Palace Aruba y Riu Palace Antillas a tene celebracion di Sinterklaas y Zwarte Piet p’e yiunan di empleadonan. Mas di 200 mucha entusiasma a disfruta cu di un mainta di wega, cantica y baile bou guia di e teamnan di animacion di ambos hotel. participa den e celebracion.

Ademas di disfruta di refresco, cuminda y ijscream, e muchanan a ricibi cu hopi ilusion un regalo cada uno, mientras e team di Riu y tur mayor a emociona ora di mira e alegria di tur mucha.

Na yegada di Sinterklaas y Zwarte Pietnan, e muchanan tabata contento di mira nan y a duna nan bon bini. Sinterklaas y Zwarte Pietnan a cuminda muchanan y mayornan, di cual e Pietnan tabata pone e muchanan hari. Cada mucha a ricibi nan regalo for di Sinterklaas y di biaha nan a cuminsa mira kico nan a haya. Zwarte Pietnan a baila y tur presente a keda encanta cu e pasonan, unda cu algun mucha tambe a purba baila mescos.

Jaime Yarzagaray, manager di animacion di Riu Palace Antillas, tabata entusiasma di mira e caranan contento di e muchanan. El a indica cu e hotelnan a dicidi di haci un evento pa tur e muchanan cu nan mayornan ta traha den e hotelnan, unda cu e muchanan a bini hunto y asina haya nan regalo.

Riu Palace Aruba y Riu Palace Antillas a encarga pa cumpra tur regalo p’e muchanan. Mientras cu Toy’s 4 Us kier a participa den e evento haci un donacion di saconan di mangel, algo cu e Gerencia di e hotelnan a gradici Toy’s 4 Us, tambe nan a sinti nan mes contento cu e empleadonan a inscribi nan yiu pa participa den e celebracion di Sinterklaas y Zwarte Piet.

Famia Riu a funda Riu Hotels & Resorts como un hotel chikito na aña 1953, na Majorca, Spaña. Awendia RIU, cu ta partner cu TUI, e compania di tours mas grandi na mundo, ta ofrece 95 hotel, di cual riba 70% ta ofrece acomodacion “all inclusive”. Riu Hotels & Resorts ta bou maneho diario di e di tres generacion di famia Riu, cu su oficina principal na Majorca y ta conta cu riba 26 mil empleado y ta estableci den 19 pais, manera Spaña, Portugal, Irlanda, Alemania, Bulgaria, Turkia, Morocco, Merca, Mexico, Jamaica, Bahamas, Aruba, Costa Rica, Republica Dominicana, Panama, Cabo Verde, Mauritius, St. Martin y Sri Lanka.

Aki na Aruba, Riu Hotels & Resorts a habri Riu Palace Aruba na aña 2007. Debi na e gran exito di su prome hotel na Aruba, e compania a dicidi di adkiri un di dos hotel, habriendo Riu Palace Antillas na aña 2014. Hunto e dos hotelnan aki ta maneha mas o menos 25 mil huesped pa luna, cu un nivel di grado di ocupacion mas halto riba nos isla. Entre e dos hotelnan RIU na Aruba, nan ta emplea riba 800 trahado, brindando huespednan e miho nivel di servicio.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio