Oranjestad – Minister di Husticia Mr Andin Bikker ta lamenta di cierto gritonan cu e caso di Marko Espinoza lo ta un persecucion politico.
E ta sigui bisa tambe cu esaki no ta e caso, cu gobierno tin varios siman caba desde cu nan a asumi responsabilidad ta poniendo atencion cu a bin topa un bestuurskantoor cu no tin e propiedadnan di pueblo.
Propiedadnan di pais Aruba no ta caminda nan mester ta, segun e Minister di Husticia. Esey ta pone cu e propio mandatarionan cu mester a zorg pa tin un traspaso ordena a causa cu e gobierno nobo, mester canalisa e procesonan pa haya e propiedadnan di pais Aruba bek y caminda nan mester ta.
Tin casonan caminda cu ambtenaarnan a wordo acusa di a bay cu printer di gobierno, porehempel cu a kibra documentonan di gobierno caminda nan a wordo procesa dilanti corte y nan mester a defende nan mes.
Te awor aki nan bo tin un gobierno saliente, cu no a percura pa salvaguardia propiedadnan di pais Aruba na un manera ordena.
Y awor diripiente ta reacciona paso un persona yega na nan ta wordo cuestiona, cu ta bin cu un defensa cu lo ta trata di un persecucion politico.
Minister Bikker a bisa un biaha mas cu e ta lamenta esaki bisando cu, nos tin un sistema integro hudicial cu cada persona ta independiente momento di hiba nan investigacion.
Nos tin por ehempel Landsverordening Politie cu ta delinia kiko ta excactamente e tarea di cada actor, den e keten hudicial.
Gobierno y ni Minister di Husticia no tin ningun autoridad pa bay mete den un caso individual.
Minister di husticia a bisa tambe cu “Mi no a yega di hacie y lo mi no bay hacie tampoco”.
Hecho ta cu bestuurskantoor a wordo haya desampara, caminda diferente aparatonan y artefactonan a desaparece.
Como mandatarionan nobo nos tin e responsabilidad pa purba haya e propiedadnan di pueblo, di bestuurskantoor y di pais Aruba bek.