Home Sports Team di Taekwondo di Aruba a biaha pa Colombia pa entrenamento y...

Team di Taekwondo di Aruba a biaha pa Colombia pa entrenamento y Campeonato

SHARE

Diasabra atardi e team di Aruba a biaha pa Colombia pa participa na e ultimo camp training y campeonato pa aña 2017.

Chiara Petrocchi, Cherrick Winterdal, Monica Pimentel, Hakeem Lowe y Jourdé Klabér ta forma parti di e team cu a biaha pa Colombia. Teofilio Rodriquez lo guia y coach e team durante di e 10 dianan aki cu nan ta bay ta na Colombia. Lotto pa Deporte hunto cu comision di subsidio a haci posibel cu e team aki por a realisa e meta aki.
Esaki ta parti di e preparacion pa Open USA, Campeonato Mundial y clasificasion pa e Weganan Olimpico Hubenil.

Director di Lotto pa Deporte Di-Estefano Wernet hunto cu Dr. Guaicaipuro Jimenez Presidente di Aruba Taekwondo Bond ARTBO a hiba palabra na e team cu a sali pa Colombia.