‘Crecemento individual ta conduci na crecemento di organisacion’
Oranjestad – Despues di a lansa e PwC Leadership Academy na januari 2014, e programanan combina di 2014, 2015 y 2016 ya caba a wak mas di 200 graduado riba nivel di manager y supervisor, pa tanto e sector publico como sector priva di
Aruba. E participantenan aki a y ta hasi uso ainda di e excelente forum di e PwC Leadership Academy, den cual nan por debati y comparti nan pensamentonan, experiencianan y conocemento cu nan compañero participante, pa siña y crece como lider.
Durante e PwC Masterclass Leadership 2017, cu a tuma lugar na comienso di november, Ruben Goedhoop, Director di PwC Advisory Dutch Caribbean, a duna di conoce cu na januari 2018 lo
cuminsa cu un concepto diferente, den forma di un colaboracion cu Nyenrode Business University. E universidad aki a wordo funda na 1946 y ta un di e universidadnan di ‘business’ mas reconoci na Hulanda y ta ofrece varios masterclass pa ‘managing directors’ y directornan di companianan renombra na Hulanda. Nan ta concentra riba e creacion di un futuro sostenibel door di crea lidernan responsabel.
E participacion di Nyenrode Business University den e programa aki lo duna un elemento adicional cu lo ta specialmente valioso pa managernan cu ja caba a participa den diferente ‘training programs’. Hunto cu e universidad aki, lo ofrece calidad y materialnan actualisa y varia den e spectrum di liderazgo. Na final di aña di e PwC Leadership Academy 3.0, tur participante lo ricibi, durante e ceremonia di clausura, un certificado di participacion for di PwC y Nyenrode Business University.
E PwC Leadership Academy 3.0 ta consisti di cuater workshop, cual dos lo wordo facilita door di PwC y e otro dosnan lo wordo facilita door di Nyenrode Business University, aki na Aruba. E
workshopnan lo tuma lugar un biaha den cada kwartaal. E programa ta cuminsa na januari 2018 y lo finalisa na december 2018. Banda di e workshopnan, e participantenan tin e
oportunidad di hanja cuater sesion individual di coaching facilita door di PwC. Durante e sesionnan di coaching, PwC lo juda e participantenan con pa pone e topiconan di e
workshopnan den practica.
Inscripcion pa e PwC Leadership Academy 3.0. ta habri te cu 15 di december 2017. Pa mas informacion y inscripcion por tuma contacto cu Geraldine Nadall na telefon +297 522 1641 of
via e-mail: [email protected].