Home » Parke Nacional Arikok: Empleadonan a duna Minister Otmar Oduber un caluroso bon bini

Parke Nacional Arikok: Empleadonan a duna Minister Otmar Oduber un caluroso bon bini

by Admin
0 comment 54 views

ORANJESTAD – Ariba diahuebs mainta Fundacion Parke Nacional Arikok (FPNA) a ricibi bishita di Minister di Infrastructura y Medio Ambiente Sr. Otmar Oduber. Sigur un bishita cu e empleado nan spera y a tuma probecho di dje pa asina introduci nan mes y alaves hiba un conversation hunto cu e Minister.

E prome palabra di bon bini a ser duna dor di Sr. Greg Peterson – Presidente di Hunta di Commisario di FPNA mentionando cu e ta un honor pa por ricibi nos Minister asina trempan den e inicio di su termino y cu hunto nos lo traha a benificio di e naturalesa di Aruba. Pasando e palabra pa nos Minister di Infrastructura y Medio Ambiente Sr. Otmar Oduber a agrega cu Medio Ambiente tin un espacio hopi importante den e Gobierno aki y ta reconoce cu Aruba tin un tremendo Parke, sinembargo asina mes hunto lo por mira con por mehora Parke ainda mas! Dunando un indicacion di no solamente 16 area pero un posibel 17 area mas cu lo wordo protehi y un parke marino tambe pa Aruba.
Empleado nan a tuma turno durante e bishita di Minister Oduber pa asina nan hasi nan preguntanan y vocifera nan pensamentonan pa cu FPNA. FPNA ta spera di por conta cu mas bishita di Minister Oduber den su termino como Minister di Infrastructura y Medio Ambiente y cu hunto nos lo sigi traha ariba e conservacion y proteccion di Aruba su naturalesa.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio