E compania local di produccion y entretenimento Elite Productions Aruba recientemente a presenta un opcion diferente pa por host diferente tipo di evento na lugarnan inusual. Ta trata aki di e producto cu jama “The Dome”. Hopi biaha companianan of hasta famianan kier organisa eventonan den un localidad diferente y cu e dome aki esaki awor ta posibel. Recientemente na Aruba Marriott Resort a instala e dome riba beach pa un evento. Aki a crea un area tanto pafor como paden di e Dome pa e invitadonan por a recrea.
Algo cu a hala hopi atencion ta cu parti paden tabata hopi frieu. Esaki ta debi cu e Dome ta airecondiciona. A hasi uso tambe di un otro producto di Elite Productions esta Video Mapping pa ilumina parti paden di e Dome. Elite su manager creativo a crea diferente animacion di varios sitio rond mundo cual por a wordo observa den e dak di e Dome. Parti paden un Dj a sa di percura pa e ambiente. No tin limite pa cu e tipo di evento cu por tuma lugar den e Dome. Por ehempel: Eventonan corporativo, Seminario, Fiesta, Recepcion, Comemento, Anochi di Premio y hopi mas. E flexibilidad di e dome tambe ta duna oportunidad pa use den diferente localidadnan manera Beach, Parkinglot of cualkier otro localidad. Naturalmente na momento cu usa “The Dome” por laga tur cos den man di Elite tambe, por ehempel entretenimento, cuminda, bebida, seguridad etc etc.Di e forma aki Elite Productions & Entertainment ta sigi inova den Caribe.