Curso Disciplina Consciente

ORANJESTAD – Den luna di november, Departamento di Asunto Social (DAS) a ofrece e curso na mayornan cu yama: ‘Disciplina Consciente’. E curso basico di Disciplina Consciente a ser duna pa psicologo Sra Helen Guda di “Develop to Grow” y a tuma luga na Maggy’s Oranjestad. E tabatin un
duracion di 2 ora pa 4 siman consecutivo dianan 2, 9, 16 y 23 di november. Participantenan a haya un variedad di informacion e.o. con nos cerebronan ta afecta nos comportacion, siña mucha balor dor di nos comportacion, e importancia di comunicacion efectivo, regulacion propio y con pa siña nos muchanan regula nan mes. E informacion valioso aki mayornan por aplica den nan contacto diario cu nan yiunan. D.A.S. ta spera di e forma aki por a contribui pa duna nos mayornan algun herment pa asina fortalece lasonan den famianan. Ta spera tambe cu den futuro D.A.S. por sigui ofrece tipo di cursonan asina na nos comunidad. DAS ta gradici Sra. Helen Guda di Develop to Grow y Sra. Audrey Croes di Maggy’s pa nan contribucion ricibi pa a haci esaki posibel.