Home Local Aruba Marriott a organisa un Meet & Greet cu Diseñadora Internacional Agatha...

Aruba Marriott a organisa un Meet & Greet cu Diseñadora Internacional Agatha Ruiz de la Prada cu e Studiantenan di Aruba Art Academy

SHARE

PALM BEACH, Aruba: Como main sponsor di Aruba Fashion Week 2017, Aruba Marriott Resort & Stellaris Casino a organisa recientemente un ‘meet & greet’ event pa e studiantenan di Aruba Art Academy cu diseñadora internacional Agatha Ruiz de la Prada.

E evento a tuma lugar riba un diasabra mainta unda e studiantenan a wordo invita pa un breakfast special na La Vista y alaves pa un experencia inspirante. Agatha Ruiz de la Prada a conta e studiantenan di e storia di su bida, como tambe di su carera exitoso y a duna algun tremendo tips y recomendacionnan di con pa ta exitoso den e industria di arte y moda.

Aruba Marriott Resort & Stellaris Casino ta sumamente contento di tabata tin e oportunidad pa organisa e mainta special aki pa Aruba Art Academy y ta spera cu esaki a inspira e studiantenan pa asina sigi desaroya y expande nan talentonan unico. Un palabra di gratitud ta bay na Agatha Ruiz de la Prada pa su tempo y e bunita storianan cu e la comparti cu e grupo y tambe na Angel Leon pa a organisa un Aruba Fashion Week 2017 exitoso.

Un tiki mas di Aruba Marriott Resort & Stellaris Casino:

Aruba Marriott Resort & Stellaris Casino ta situa na Palm Beach y ta consisti di 411 camber cu balcon priva cu bista pa e pool relajante y tambe pa e awa nan blauw di lama. Huespednan cu ta desea exclusividad por has reservacion na e Tradewinds Club, un boutique hotel situa riba e di ocho piso di Aruba Marriott Resort. Ademas e hotel ta ofrece un ‘adults only’ pool cu ta brinda privacidad superior y tambe un variedad di restaurantnan cu ta garantisa un experencia unico. Pa esnan cu kier disfurta y relaha, por hasi uso di e casino mas espacioso na Aruba y e ‘award-winning’ spa. Pa mas informacion por tuma contacto cu Aruba Marriott Resort & Stellaris Casino na 586-9000 of bishita www.arubamarriott.com of www.tradewindsclubaruba.com. Tambe por bishita Aruba Marriott su Facebook y Twitter page www.facebook.com/ArubaMarriott y @ArubaMarriott.