Varios turista crusero herida den accidente di auto

L.G.Smith Boulevard – Diahuebs mainta polis a wordo notifica di un accidente cu varios persona herida, na altura di ex Bushiri Hotel.
Na e sitio nos a compronde cu tawata trata di un tour Van, yena cu turistanan crusero cu a caba di yega.

E accidente a sosode momento cu e pick up pa un of otro motibo no a regula su velocidad y a dal hopi duro tras di Van.
Varios turista a wordo herida y pa e motibo eynan a solicita pa varios ambulance.
Mester bisa si cu esnan herida no tawata serio. Asina mes ambulance a transporta algun pa poli, pa mas observacion.