Diaranson ultimo e di dos grupo di funcionarionan di Departamento di Aduana, di seccion
Aeropuerto y seccion Waf, cu ta traha principalmente cu biaheronan a ricibi nan certificado
di Mi Compromiso cu Aruba.
Departamento di Aduana pa un tempo caba tabata den conbersacion cu diferente
stakeholders pa asina mehora e comunicacion y servicio pa y cu biaheronan.
Durante e training e duaneronan a ricibi “tools” pa eherce nan trabounan den un forma mas eficiente y servicial sin kita e meta cu Aduana tin di cumpli cu ne. E tarea primordial di e trabounan di Aduana ta pa cobra invoerrechten y accijns, pero tambe salvaguardia e
interesnan di pais Aruba riba e terenonan di salud publico, medio ambiente, seguridad y
economia. E trabounan aki cu Aduana ta eherce ta wordo hasi door di eherce nan control e.ona frontera.
Durante e training nos funcionarionan a siña tacticanan con pa bai “the extra mile” na
momento cu ta hectisch y tin situacionan cu tin di haber cu stress. Banda di esaki e
funcionarionan a bin cu ideanan, solucionan y puntonan di mehoracion cu lo wordo treci
dilanti na e stakeholders pa asina por mehora e fluho di pasahero y e experiencia di nos
biaheronan.
Departamento di Aduana ta felicita tur funcionario di Aduana cu a asisti e training aki pa
participa activamente y duna di nan parti pa sigui desaroya nan mes y e calidad di servicio brinda na nos biaheronan.