Home Local DAA ta recorda tur importador di klapchi pa hasi nan tramitenan trempan

DAA ta recorda tur importador di klapchi pa hasi nan tramitenan trempan

SHARE

Departamento di Aduana ta recorda tur importador di klapchi un biaha mas pa no warda te na ultimomomento pa hasi nan declaracion (aangifte) pa cargacion di klapchi. Manera a sali den comunicadonandi Cuerpo Policial e containernan di klapchi ta yegando Aruba laat. Esaki no kiermen cu e importadortin di warda te na ultimo momento pa hasi nan declaracion.

Temporada di fin di aña ta uno hopi druk tanto pa Aduana como pa comerciantenan, caminda tur hende kier ricibi nan carga trempan, pa asina nan tin suficiente tempo pa bende nan mercancia. Departamento di Aduana ta hasi un jamado urgente pa tur comerciante pa regel nan papelnan di Aduana lo mas pronto
posibel como cu nos ta den “high season”.

Den caso cu un container yega Aruba y e declaracion (aangifte) no ta hinka den e sistema di asycuda, e cargacion lo wordo tuma den beslag y destrui pa e autoridadnan concerni cu tur e consecuencianan cu e comerciante lo perde su placa. Pa es motibo aki ta urgi tur importador di klapchi pa manda nan papelnan pa e broker pa esakinan por hasi e tramitenan na tempo y y di un forma correcto.