Den fin di siman Master Eric Barry di San Nicolas Taekwondo Foundation a pone e fin na e calendario di evento di Taekwondo nacional
di 2017. Cinco scol di Taekwondo a participa na e campeonato aki.
She-Cutie Hernandez di Oranjestad Taekwondo Center bou guia di Shareen Boekhoudt a haci un cos den su prome salida na un
campeonato di Taekwondo. She-Cutie Hernandez a perde su pelea contra di Lixjandra Bello, pero a laga tur hende presente asombra
di por a mira un nobato duna bon bataya contra di Lixjandra Bello y e refereenan a escoge como nan miho bringado infantil.
Dilon Brown tabata ausente pa basta tempo y a bin bek full gecharge, ganando su peleanan un tras di otro y a sali best fighter infantil.
Pamela Romero a sali best female fighter den categoria di cadet. Hakeem Lowe a sali best fighter den e categoria di junior y Jourde
Klaber a sali best male fighter den e categoria di adulto.
Master Eric Barry ta gradici tur hende pa nan participacion na e ultimo campeonato di 2017.