Home Politics Minister di Husticia Andin Bikker: Den reunion cu Consulnan na Aruba, mester...

Minister di Husticia Andin Bikker: Den reunion cu Consulnan na Aruba, mester modernisa leynan di LTU pa inversionista y esnan cu mester haya un permiso

SHARE

Minister di Husticia Andin Bikker den un reunion cu Asociacion Consular Corps Aruba a introduci su mes na e Asociacion y tambe a scucha kico ta nan preocupacion. Hopi di e consulnan aki na Aruba ta representante di pais Aruba y tambe presencia di consul suplente di Merca. Den e encuentro aki, nan tabata interesa pa sa kico lo bira e maneho nobo di e gobierno nobo pa loke ta inmigracion. Segun minister di Husticia mr. Andin Bikker, e la splica cu lo bai sigui cu e proceso di mehora e servicio na Dimas, pasobra esnan cu tin derecho riba permiso mester haya esaki mas pronto cu ta posibel. Tambe esnan cu a aplica y ta den insertidumbre mester haya un contesta si nan tin derecho di un permiso si of no. Ora ta trata di prolongacion, mester tin un proceso cu ta ahilisa cu un persona ta bin na remarca pa prolongacion mas lihe. Los di esaki tambe mester claridad pa invercionistanan ora cu nan kier inverti na Aruba. E clima di invercion y un di e aspectonan di invercion ta, si tin certesa riba leynan, leynan di belasting y leynan di inmigracion. Segun minister di husticia na final di dia ta un isla nos ta. Tambe a splica e Asociacion Consular cu ta wak den direccion di citizen by investment cu ta un dimencion cu Merca tin ora un persona ta inverti cierto suma y ta bin na remarca pa haya su permiso aki na Aruba. Actualmente Aruba tin uno pero e no ta bon difini den concepto. Actualmente ministerio di husticia ta den evaluacion y tambe lo bai introduci como prioridad un ley nobo di LTU cu 2006 no a wordo modernisa den hopi aña. Den tur e añanan, ta trahando abase di maneho pero ora ta traha cu leynan di inmigracion mester tin certesa den un estado di derecho hancra den ley. No por traha constantemente cu maneho so, pasobra un maneho mester tin su base den ley segun minister Bikker. E ultimo añanan practicamente e maneho ta basicamente e ley cu ta yama na hulandes kwasi wetgeving. Esey ta un prioridad cu kier bai remplasa e maneho cu tin un base di LTU nobo cu ta prioridad pa modernisa e LTU. Tin un concepto caba na directie wetgeving y cu pronto lo por presente den conseho di minister pa e cana e proceso pa bin cu difinicion hopi cla riba maneho di inmigracion. Los di esey minister Andin Bikker a trece dilanti cu tin un tratado di amistad cu Merca, pasobra mester corda cu Aruba su economia ta depende di e mercado di turismo y di invercion for di Merca. Esey ta pone cu e tratado di amistad ta di hopi aña caba for di 1948 cu basicamente ta supraya e laso di amistad cu Aruba tin, cu ta tanto e pais como e mercado. Aruba su ecomonia ta depende practicamente full riba turismo y ey tambe mester difini hopi bon pa e invercionista como turistanan di nacionalidad mericano cu kier inverti aki na Aruba. Mester por ofrecenan tur e derechonan cu nan tin abase di e tratado di amistad di Merca.