Home » Digicel ta organisa “Food Drive” diasabra awor

Digicel ta organisa “Food Drive” diasabra awor

by Admin
0 comment 57 views

Ta e temporada di duna bek
Por pasa laga cuminda di bleki na Digicel Tanki Leendert

ORANJESTAD, Aruba – 4 di december 2017: “Digicel Aruba ta masha orguyoso di por traha hunto cu Fundacion pa nos Comunidad pa por colecta mas tanto cuminda posibel pa esunnan den mas necesidad”, asina Wanda Broeksema, Chief Executive Officer di Digicel Aruba a duna di conoce. Ta trata aki di un “Digicel Food Drive” specialmente pa e temporada aki di fin di aña, e temporada ideal pa duna bek.

Hunto cu e empleadonan di e compania di comunicacion mobil cu mas ta creciendo riba nos isla, den Caribe y den Ocean Pacifico, banda di boluntarionan di Fundacion pa nos Comunidad, ta organisa un “Food Drive” unda tur hende por pasa hiba cuminda na Digicel Tanki Leendert. Mester ta cuminda den bleki, aros, lechi di bleki, tur cos cu no ta daña. Di e forma aki Digicel lo traha basketnan special pa entrega na tur esunnan den necesidad.

Ta invita comunidad, pa bishita Digicel Tanki Leendert diasabra awor dia 9 di december 2017 entre 9:00am y 12:00pm.

“Mi ta invita Bo, pasa bishita nos diasabra awor, bin yuda y aporta Bo tambe na nos comunidad”, asina Wanda Broeksema a termina bisando.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio