Home » Minister Chris Romero a asisti na e vuelo inaugural di Aruba Airlines pa Boneiro

Minister Chris Romero a asisti na e vuelo inaugural di Aruba Airlines pa Boneiro

by Admin
0 comment 47 views

Diaranson mainta a tuma lugar e vuelo inaugural di Aruba Airlines pa e isla di Boneiro.
Den compania di e directiva di e aeroliña, miembronan di prensa local y demas invitado, e mandatario encarga cu e carteranan di Telecomunicacion, Transporte y Sector Primario, sr. Chris Romero, a aborda e vuelo di Aruba pa Boneiro cu a dura menos di mey ora pa yega su destinacion.

Na Aeropuerto Flamingo tabatin un delegacion di Gobierno di Bonaire pa yama bon bini na e delegacion di Aruba Airlines, representa pa su ehecutivonan, CEO, Frank Arendsz, Esteban Valles, Presidente di Aruba Airlines.
Presente riba plataforma tabata Gezaghebber, Edison Rijna, Diputadonan, Hubert Martis, James Kroon y Edsel Cecilia. Tambe presente tabata Maurice Adriaans, Director di TCB.

Minister Romero a keda hopi satisfecho di mira cu awor e pueblo di Aruba y e pueblo di Boneiro a keda conecta cu otro di un manera mas. “Mi ta kere cu e vuelo aki ta importante pa e dos islanan aki, como cu awendia nos tin hopi en comun. No solamente pa turismo, pero pa negoshi y te hasta pa motibonan di salud lo bay tin un intercambio di vuelo diario entre e dos islanan ruman aki.”

Despues di a pasa un dia agradabel na Boneiro, unda cu den corto tempo por a experiencia mas di serca e cultura di e isla, e mandatario a bolbe Aruba bek satisfecho di e bon servicio cu a ricibi di parti di Aruba Airlines.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio