Gana Afl. 10.000,-
Campaña di fin di aña
ORANJESTAD, Aruba – Lotto, e loteria di Aruba ta lansa un otro tremendo campaña di fin di aña awe, unda cu tur su clientenan participa pa gana. E campaña ta hiba e nomber “Bashi Bonus” y lo regala 10 mil florin na comienso di aña nobo na un feliz ganado(ra)!
Con pa participa ta masha facil, just cumpra dos (2) combinacion di number riba mesun ticket, sea di e wega Mini Mega, Mega Plus of Lotto 5. E ticketnan no-ganado ta participa pa gana e “Bashi Bonus” di Afl. 10.000,-florin. Mester scirbi bo nomber, fam, adres y number di telefon patras di cada ticket no-ganado y deposita esaki den e box obtenibel na tur punto di benta di Lotto. Campaña ta start awe, 1 di december y ta termina 31 di december, 2017. Lo saca e ganado(ra) absoluto durante sorteo di merdia pa 2:30PM, riba 8 di januari, 2018.
Lotto ta contento di por ofrece otro tremendo campaña di fin di aña na pueblo di Aruba. Un persona lo habri aña 2018 cu un tremendo smile riba su cara, danki na Lotto Aruba!
Lotto, e loteria di Aruba tin 8 diferente wega; Catochi, Big 4, 1-OFF, Zodiac, Wega di Number Korsou di Lotto, Lotto di Dia, Lotto 5, Mini Mega cu su Mega Plus y e diferente weganan di Raspa y Gana. Cumprando Lotto bo ta contribui na deporte riba nos isla. Meta di e fundacion ta pa organisa loteria, cambia bida di su hungadonan y na mes momento inverti den deporte local pa medio di donacionnan na e comision di subsidio.